عزيزي زائر شبكة ادما وعضونا الكريم يجب عليك كتابة بريدك الإلكتروني بالأسفل ثم اضغط زر اشتراك ليصلك جديد

**آمـــل حسيـــن** · 04-07-2008, 04:37 AM

انقلبت الدنيا وصارت تمشي بالعكس واخذ الرجل مكان المرآه والمرآه مكان الرجل

وتعالو نشوف ويش صار

حصه راحت لامها تقول لها انها صارت جاهزه للزواج وتبيها تدور لها ابن الحلال وعلى الفور الام طار مخها وقالت لها شرايك بحمد ابن ام ساره جارتنا الي في العماره الثانيه شب طيب ومزيون ومتربي كويس وبعد يعرف يسوي كل شي يكنس ويطبخ ويمسح ماهو مثل شباب اليوم وافقت حصه على طول واخذت ام حصه موعد منهم يوم الخميس وجا يوم الخميس وراحو عند الجماعه

جلست حصه وامها وام ساره وصارو يتكلمون عن شباب اليوم وعن مشاكلهم وانهم هم للمات والولد الي ما يتربى زين ولا بنت تخطبه ويبقى في بيت امه عانس الله يجيرنا
وماهي الا شويه ودخل حمد بيده صينيه الشاي ومستحي وعيونه بالارض وايديه ترتجف وحصه تطالعه من فوق لتحت والظاهر انه عجبها
قدم القهوه وجلس وهو مستحي قالت ام حصه ما شاالله تبارك الله ياام ساره عندك ولد مثل فلقه القمر بس ياولدي ممكن تاخذ لك لفه في الغرفه ابي اشوف مشيتك قام خذله لفتين في الغرفه وغمزت حصه لامها انها موافقه عليه
في يوم الاثنين بالموعد الثاني راحو عشان يتفقو ويقطعو المهر بعد ما حمد وافق وقالها وهوه خجلان انه موافق على حصه تكون بعلا له << فيس يقول ياخرراااابي
اجتمعت الاسرتين ام ساره وزوجها وام حصه وزوجها واخواتها وجا دور المهر والاتفاق على السكن و كل هالكلام

قالت حصه : مهره مثل مهر اخوتي وان شاالله يبشر بالي يبيه ذهب وسياره والفرح فين ما يطلب نساويه

طالع حمد بامه وهو بيطير من الفرحه وقال : انا ابي الفرح يكون بالانتر كونتينانتال

قالت حصه وهي تطالعه وتبتسم : ابشر بالي تبيه هوه احنا كم حمد عندنا
لكن انا لي شروطي

قال حمد وهو خجلان وعيونه بالارض ويهز كتوفه من الخجل : تفظلي

قالت السكن عند امي وترى كلمه امي ما تصير ثنتين والي تامر بيه امي تنفذه بدون ولا كلمه لانه رضا الله من رضا الوالدين وانت ترى المسؤول عن البيت ابوي صار رجال كبير ما عاد يقوى للمسح والطبخ والكنس وانا سمعت انك معدل ما شاالله عليك وتعرف تكنس وتمسح وتطبخ

حمد : ايه والي يسلمك ودار وجهه وصار يبتسم وخجلان ما يعرف وين يودي وجهه وبالنهايه رمى راسه بين كتوفه من الخجل

طالعت عليه حصه وهي مبسوطه وراضيه تمام الرضى وام حصه تناظرها وهي مبسوطه انه بنتها على قد حالها وما يحكمها رجال ابد

وجا يوم الفرح وجا حمد لابس ثوب العرس وماسك الورد بيده وهو فرحان ومحضر نفسه للصوره
وبعد انتهاء حفل الزفاف وبعد ما راحو المعازيم بعد ما وصلو حصه وزجها حمد للبيت بقيت حصه وزجها لوحدهم في البيت وحمد بيذوب من الخوف والخجل وحصه تناظره وهيه مبسوطه
وقالت : حمد
حمد : آمريني يابنت عمي انا خدامك ( وطالعها وهو مستحي ) وماشعر الا وبذاك الكفخ بيجيه من فين ربك يدري

والا هي حصه تكفخه باول كفخ والثاني وهو من الخوف والبكا استخبى ورى السرير وقال : ليه تضربيني حرام عليكي ويش سويت لك

حصه وقد نفخت صدرها : عشان تعرف انه هذا مصيرك لو تخالفني بيوم او ترد في وجهي كلمه احنا كذا نذبح القط في ليله العرس

وشرد حمد بمخه وهو يحس انه ليلته الرومنسيه ابتدت بلحظه عذاب من هاللحظه مثله مثل باقي رجال هالعالم وانه خلاص ما يقدر يتكلم لانه الرجال الي يرد بيت اهله سمعته تصير شينه ويجيب العار لاهله

وللحديث بقيه في جزء ثاني

دمتم بخير

[mark=#FFFF00]
يقلمي : آمـــــل حسيــــــــــن
[/mark]

**تسلم يالغالي** · 04-07-2008, 04:49 AM

طالع حمد بامه وهو بيطير من الفرحه وقال : انا ابي الفرح يكون بالانتر كونتينانتال

وجا يوم الفرح وجا حمد لابس ثوب العرس وماسك الورد بيده وهو فرحان ومحضر نفسه للصوره

امل بستوعب وارجع ارد

للحين ماستوعب القصه

والكف والمهر ويابنت عمي اصبري 10دقايق استوعب

تسلم في حالة ذهووووووووووووووووول

**آمـــل حسيـــن** · 04-07-2008, 12:34 PM

اقتباس:

طالع حمد بامه وهو بيطير من الفرحه وقال : انا ابي الفرح يكون بالانتر كونتينانتال

وجا يوم الفرح وجا حمد لابس ثوب العرس وماسك الورد بيده وهو فرحان ومحضر نفسه للصوره

امل بستوعب وارجع ارد

للحين ماستوعب القصه

والكف والمهر ويابنت عمي اصبري 10دقايق استوعب

تسلم في حالة ذهووووووووووووووووول

ههههههههههه هلا تسلم

ولين تفيق من الذهول انتظرك وانتظر رايك

مشكور لمرورك

دمت بخير

عروس الاقصى · 04-07-2008, 01:05 PM

هههههههههههه والله انك موتيني ضحك
الله لو يصير حقيقه وربي لاطلع الى انشوفو منهم على جثتهم
اشوف الزلمات شو راح يعملووووووو بعدها
خليه ينولهم من الحب جانب هههههههههه
يسلمووووووووو امل بجد رائعة القصه خليتنا انعيش لحظات حلووووووووووووه مره على قولت اخوانا السعوديين
دمـــــ بود ـــــــــــــــي
غاليتــــــــــــى

**وسـع صدرك** · 04-07-2008, 03:35 PM

[align=center]

اقتباس:

حمد : آمريني يابنت عمي انا خدامك ( وطالعها وهو مستحي ) وماشعر الا وبذاك الكفخ بيجيه من فين ربك يدري

اقتباس:

والا هي حصه تكفخه باول كفخ والثاني وهو من الخوف والبكا استخبى ورى السرير وقال : ليه تضربيني حرام عليكي ويش سويت لك

صورة حـمـد المتكفخ

اقتباس:

وشرد حمد بمخه وهو يحس انه ليلته الرومنسيه ابتدت بلحظه عذاب من هاللحظه مثله مثل باقي رجال هالعالم وانه خلاص ما يقدر يتكلم لانه الرجال الي يرد بيت اهله سمعته تصير شينه ويجيب العار لاهله

حـمـد بعـد ما شرد وراح لصحابه

إلا حقيقه يالعـروس

امل تحكي قصتها من واقع

لكن هالواقع نـاااادر الله يجيرنا وياكم

ههههههههههههه تحياتي أمـل ..[/align]

**lyana mohammed** · 04-07-2008, 04:20 PM

هههههههههههههههههههههههههههههههههههه

والله موتيني من الضحك

وشوقتيني للجزء الثاني

الجزء الاول انهى بكفخ

طيب الجزء الثاني كيف ينتهي خخخخخخخخخخخخخخخ

تابعي اموله تابعي انا معك

كدا الرجال ما يجوا الا بالعين الحمرة

منتديات ادما - العاب ادما - يوتيوب ادما

عزيزي زائر شبكة ادما وعضونا الكريم يجب عليك كتابة بريدك الإلكتروني بالأسفل ثم اضغط زر اشتراك ليصلك جديد