 |
 |
 |
 |
 |
||||
 |
 |
 |
 |
 |
 |
|||
 |
|
|||||||
 |
||||||||
Google™ Adma1.com Groups قروب ادما
|
|
|
|
|
|
||||
|
|
|
|
|
|
|
|||
|
|
|
|||||||
|
|
||||||||
|
|||||||
| الرواية والقصص الطويلة فقط قصص طويلة , روايات طويلة , القصص التي تأخذ أكثر من صفحة , الروايات الخاصة بالاعضاء وغيرها |
 |
|
|
LinkBack | أدوات الموضوع | طرق مشاهدة الموضوع |
07-11-2007, 12:02 AM
|
رقم المشاركة : 1 (رابط مباشر للمشاركة) | |||||||||||||
المستوى:
[]
النشاط /
المؤشر %
|
قصة خطيييييييييييييرة
[align=center]هذا الجز الاول.....
*ـــــــ*ـــــــ*ـــــــ* في الحياة ...نقطه *ــــــــ*ــــــــ*ـــــــ* تررررررررررررررن..تررررررررررررررن..تررررررررررررر ررررن .......:امون..ما تسمعين التليفون صار له ساعه يرن,ردي عليه اماني:يووووووه من شوقه,وانتي ليه ما تردين عليه اشواق:والله اني مشغوله,اذا كانت رنا اساليها بتجي ويانا الحفله بكره ولا لأ اماني:طيب اوف....الو مين .......:هلا والله اماني:اهلين والله..من معاي .......:شخبارك؟ اماني:تمام ..مين انت؟؟ .......:انا واحد من اهلج اللي بالكويت,تعبت على ما القى عنوانج ورقم اللي انتي عندهم,طالبج على سنة الله ورسوله..وحبيت اسإلج قبل..!! اماني:معليش يا اخي,بس انت غلطان .......:انتي باقي ما تدرين انك مو بنتهم, هم باقي ما قالوا لج؟ اماني:يا اخي صدقني انا متاكده انك غلطان ........:انا متاكد ميه بالميه اني مو غلطان,مو انتي امــــــــــــاني...اماني خالد عبدالله الخالد؟؟ اماني وبكل دهشه وبدون أي كلمه قفلت الخط بوجهه وهي مصدومه و افكار كثيره تدور براسها.. اشواق:امون..امون..امووون..اموووووووووووووووووووووو ن اماني:وصمخ انشا الله ها نعم شتبين؟؟وليه تصارخين؟؟ اشواق:بذمتك ما تدرين ليه اصارخ؟؟صار لي ساعه فوق راسك اصارخ وانتي ما رديتي! وين رحتي؟؟ ومين المتصل رنا ولا حنان؟؟ اماني:لا ابد..واحد غلطان اشواق:كل هالوقت مع واحد غلطان؟؟وش قال لك عشان وجهك يصير كذا وملامحك تتغير وفكرك يضيع..لا يكون قال لك حلوه وصدقتي؟؟ اماني:ههي ههي ههي ههي..تضحكييييييين مررره..لا طبعا, بس تدرين اني ما احب اكلم الرجال وهذا هو وجهه يتميلح وععععععع يا ثقل دمه اشواق بنبره جديه اكثر من اول:اماني..شالسالفه..هذا مو غلطان والسلام..امون حبيبتي وجهك تغير..ومبين انه فيك شي..ممكن تقولينه لي؟؟ اماني:يو يا شوقه..قلت لك بس لانه رجال يتميلح وانا ما احب اكلـ...... اشواق قاطعتها:ما بجبرك تقولين الحين بأي وقت تشوفين انك هديتي وممكن تقولين لي.. صدقيني بكون منتظره..تذكري اننا ما نخبي على بعضنا شي..اوكي؟؟اخليك الحين انا بروح اكمل شغلي قبل يجي ابوي من العمل..عن اذنك اماني راسها افتر وافكار كثيييره تتضارب براسها.. مين هذا..معقول كلامه صحيح..اكيد هذا مقلب..لو كان صادق يا ترى وين اهلي..وش اللي جابني هنا..وليه اهلي ما قالوا لي..لو مو اهلي كان ما عاملوني بهالطيبه..يا ترى اشواق مثل وضعي ولا هي بنتهم..شلون اذا حنا توأم اكيد نفسي ولازم تدري..يا ربي كيف اتاكد "ورجع الاب من العمل..كان طبعه حلو ولين وطيب..بس لاحد يجيه لما يعصب" الاب:شوووووووووقه اموووووووووووون وينكم يبا الام:رجعت؟..حياك الله الاب :الله يحييك ويعافيك الام:اشوفك تنادي عالبنات خير في شي؟؟ ولا تبي الغدا؟؟ الاب:أي والله لا هنتي لاني ميييييت جوع الام:انت تامر يا قلبي الحين احطه لك.. وانا كم ابو محمد عندي الاب:تسلمبن الله لا يحرمني منك الام:آمين يا رب طول العمر وبعد ما جهزت الام الغدا نادت على بناتها اشواق واماني (توأم 19 سنه) وولدها محمد(14سنه) وكالعاده مهند(سنتين ونص)اول الجالسين بعد ابوه جلس الكل عالطاوله والغدا كان الاكله المفضله عند اماني واللي هي محاشي وكانت الام مكثره بالبطاطس بحكم عشق اماني له اماني على غير عادتها هالمره..بالعاده عالغدا اماني واشواق يقطعون بمحمد وعلى طريقة اكله لان اكله خفيف جدا وهو نحييييييف و مهند اللي ياكل من كل شي قطعه ويقط الباقي على جنب لين تخلص الصحون يرجع للي عالجنب<<<يخزن للازمات بس هالمره كانت اشواق لحالها بالحلبه واماني هاديه مع افكارها.. الاب:امون حبيبتي ..عسى ما شر..ليه هاديه كذا وما تاكلين زين..مع انه المفروض اليوم محد ياكل الا انتي..طبختك هاذي؟؟ اماني:لا بس اليوم كان عندي اختبار تجريبي وما سويت زين لاني ما دريت عن الاختبار الاب:وانتي يا اشواق شسويتي؟؟ اشواق بارتباك:هااااا.اي لا زين زين الاب:وليه ما علمتي اختك انه في اختبار؟؟ اشواق:انا ما كنت ادري علموني اليوم الصبح ووحده جنبي ساعدتني الاب:يعني تغشين؟؟ اشواق:لا يبا انا اغش؟ حرام عليك !لا بسسس.. مساعده بسيطه الاب:شلون يعني؟؟ اشواق:ذكرتني بوحده من فقرات الدرس وانا تذكرت حتى الاستاذه سمعت ما قالت شي الاب:وانتي ما تذكرتي يا امون يوم سمعتي البنت؟؟ اماني:لا يبا كنت سلمت الورقه لاني حسيت باحباط الاب:لا يا بنتي ما يصير ما تسلمين الا اذا حليتي ولو بشي بسيط ولا تخلين الاحباط ياخذ له مكان عندك ابد انتبهي!!زين حبيبتي اماني:انشاالله يبا طبعا السالفه كلها تلفيق والحمدلله مشت وبدون اتفاق ناظرت اشواق لاماني بنظرات كان ودها تقوم تلف ايدينها حول رقبة اماني وتزنطها عالوهقه الحلوه هذي بس اماني كان كل اللي يدور بخاطرها"معقوله مو ابوي وبيهتم فيني كذا..جايز ليش لا عشان ما احس اني غير..عالعموم انا لازم اتاكد..بس شلون..اول شي شوقه لازم تدري..لازم ..لازم.." قاموا الجماعه من فوق الغدا للشاهي بالصاله الثانيه"بيتهم فيه صالتين كنها مقسومه عن بعض..وحده من الصالات مسوين فيها قعده وغرفة طعام بنفس الوقت..يعني فيها كنب وفيها طاولة الطعام..والثانيه كنبها فاخر يستقبلون احيانا فيه جماعتهم" كانت اشواق قاعده على اعصاااااابها تنتظر اماني تقوم لدارها عشان تنتقم منها عالتوهيقه الحلوه .. وبالمقابل كانت اماني تتثيقل عن القومه لانها خايفه من اللي بيجيها ..تدري باللي سوته..فضلت اشواق انها تلهي عمرها شوي عشان تلقى اماني الفرصه اللي تطلع فيها وبعدها تنقض اقصد تلحقها..ولمجرد ان اماني قامت فزت على طول وراها لدرجة ان الكل لاحظ.. الاب: شالسالفه؟ الام:ابد ..الحين تسمع طقاقهم..هههههههههه طلعت اشواق بسرعة الريح ورا اختها اماني..واول ما فتحت الباب جالت بنظرها سريعا في اركان الغرفه لتجد الفريسه اقصد اماني وتنقض عليها اقصد تصفقها يعني تتفاهم معاها راحت اشواق بسرعه لعند اماني ومسكتها من رقبتها.. اشواق:الحين تقولين لي وش السالفه بالضبط!! اماني:اهدي يا شوقه..اصلا انا قررت اني اقول لك اللي صار مع الغلطان..والصدق ما ادري مين الغلطان..انا ولا هو؟؟ هنا حست اشواق ان السالفه مهيب بسيطه وقالت اماني لاشواق كل السالفه بالتفصيل الممل.. اماني:ها شوقه..وش نسوي؟؟ اشواق:والله ما ادري!مو جايز انه مقلب..بس شلون اماني:نعلم البنات انه صار كذا كذا كذا.... اشواق:لاااااااااااا...انتبهي!اخاف تطلع السالفه صدق وننفضح,وانا ما ابي أي احد يتشمت فينا.. اماني:طيب ,واذا كان صادق تتوقعين انا وانتي؟؟ اشواق:اكيد,مو توأم؟؟ اماني:بس هو ما قال الا اماني,لا وعادها بعد باسمي الكامل! اشواق:لازم نتاكد من الاثباتات اللي عند الوالد اماني:وشلون ناخذها؟؟ اشواق:من غرفته!بعد شلون اماني:بتجيك الجرأه اللي تدخلين وتفتشين باغراض اهلك يا شاطره,ولو دخل احد منهم عليك وانتي تدورين..لو تحلفين لين الصبح انك تبين دفتر العايله ما صدقوك وان صدقوك بيقولون لك ليه وبتفتحين على نفسك مصيبه وسالفه طويله عريضه.. اشواق:يعني كيف؟؟ شسوي؟؟ اماني:نخلي ابوي يعطينا اياها بيده! اشواق:وشووو! بس شلوووووووووووووووون؟؟ اماني:هذي هي المشكله..شلووووون..فكري معاي ونشوف لنا حل.. اشواق:لقيتها.. اماني:شلون؟؟ اشواق:نقول لامي تطلع هي والوالد من زمان ما طلعوا..ويخلون عندنا كرت العايله عشان اذا صار شي نقدر نتصرف.. اماني: ابداااااااااااااااااااااع..تاخذين الجايزه الاولى وبفخر في الغباء اشواق:هاااا؟؟شتقصدين؟؟ اماني:يما دفتر عايله هو! مو مفكرة الطوارئ ولا سيارة اسعاف!!اوف القهر..غباااااااااااء اشواق:بس عاد..ما تسوى علي اني فكرت.. اماني:رجاء لا عاد تفكرين..لو سمحتي..خلي مخك مقفل مثل عادته احسن اخذت اشواق اقرب خداده منها وقطتها على اماني وهي تقول لها.. اشواق:تراك تماديتي والله..بس عاد..هذا جزا اللي يساعدك.. ما انهت اشواق كلمتها الا والخداده راجعه على وجهها واماني تقول لها.. اماني:حلفي..قولي والله..خوش مساعده..كن السالفه ما تخصك؟؟ اشواق:طيب الحين والحل.. الا وصوت امهم يرد.. الام:أي حل؟؟وش مشكلتكم؟؟ ممكن اساعدكم؟؟ اماني:هلا يما هلا..لا ما في شي اشواق:أي ما في شي الام:شلون مافي شي وانا سامعتكم على دخلتي وانتوا تقولون شالحل؟؟ها يالله عطوني مشكلتكم ومالكم الا اللي يساعدكم..يالله يبا عفيه اماني:ابد يما ..بس المركز.. اشواق: أي صح المركز يبون... الام:شيبون؟؟ اماني:لا ما يبون شي..لا بس.. الام:بس شنو؟؟ممكن تتكلمون عدل؟؟..عشان اقدر اساعدكم! اشواق:المركز اللي نروح له بالعصر يبون ياخذوننا برحله..هي مو اكيد يمممممممكن.. اماني:أي صحيح..وحنا خايفين ان ابوي يرفض.. الام:لا يما وليش يرفض ؟؟..انا اكلمه لكم وانشا الله ما يرفض!!بس ها وش طالبين منكم؟؟ اشواق:كرت العايله.. اماني:أي يمه كرت العايله..كاثبات ان ولي الامر موافق.. الام:وبس؟؟ اماني:أي !!بس!! اشواق:يعني ما اذكر طلبوا شي ثاني!! الام:ما طلبوا منكم فلوس حق الرحله..الحين حتى الصغار وهم بمدارس خاصه يطلبونهم..وانتوا ما طلبوكم.. اماني:ايييييييييي..لا لا باقي ما تحدد..لين تتاكد الرحله..بس الحين يبون يسجلون اسماء البنات.. الام:ايييي...بس لوين الرحله؟؟ اشواق:لمركز ثاني مثل اللي عندنا بس انه اكبر شوي..اظنه اللي بالعقربيه..يقولون كبيييييييييييييييييير مررره..تذكرينه؟؟ الام:أي يمه..مدامها كذا اعتبروا الموافقه وصلت.. قاموا اماني واشواق حبوا راس امهم وهم يقولون لها:الله لا يحرمنا منك قولي آمين الام:آمين اماني:بس لا تنسين وانتي جايه تجيبين كرت العايله ناخذه معنا بكره..عشان ما ننساه!! الام:طيب طيب..صار ما طلعت الام وقفلت الباب الا وصوت صراخهم طلع عاااالي من الفرحه..فتحت الام الباب مره ثانيه وهي تقول:خير بناتي في شي؟؟ اماني:لا يما ما في شي؟؟بس فرحانين.. الام:على صراخكم خفت يكون جاكم شي؟؟ اشواق:لا تطمني الله يطمنك بالجنه انشاالله الام:الله يجزاكم خير يا بناتي..اجل اخليكم واروح لابوكم تلقون شعره تنتف من هالهنودي.. اشواق:صدقتي يما صدقتي.. اماني:ولا تنسين موضوعنا!! الام:انشاالله طلعت الام وبدوا البنات بهمسات فرح.أخيرا اخيرا..بنتاكد من هويتنا ومين احنا؟؟ اول ما قالت ام محمد لزوجها.. زوجها على طول وافق..وقال لها كرت العايله بكره اعطيهم اياه وهم رايحين الصبح المدرسه..اخاف يرجعون وانا باقي ما رجعت وتروح عليهم.. باليوم الثاني الصبح وهم مع ابوهم بالسياره رايحين الكليه..دقت اشواق اماني من جنبها تذكرها.. اماني:يبا..قالت لك امي اللي امس.. الاب:وشو؟؟ما قالت لي شي.. نظرات الدهشه دارت بينهم وبداخلهم حسره وقهر وخيبة امل اشواق: يبا ما قالت لك شي عن المركز؟ الاب كان يتجاهل..يبي يشوف ردة فعلهم:وش فيه المركز؟ اماني:لا خلاص ما فيه شي.. الاب:اماني؟؟ اماني:هلا يبا..!! الاب:افتحي الدرج قدامك بتلقين كرت العايله.. صرخوا على طول بهدوء من الفرحه.. الاب:انا ما قلت خذوه قلت انه هنا بس............خذوه وانتبهوا عليه لا يضيع!!زين؟؟ اشواق واماني:زين يبا زين..وااااااااااااااااااااااااااااااااااااااا ااو طبعا بالسياره قدام ابوهم ما شافوا شي عشان ما يشك او ينتبه حطوه بالشنطه وخبوه فيها من داخل بين الكتب داخل احد الملفات في شنطة اماني..وكانوا حريصين انه محد ينتبه له ابد..مين ما كان.. وفي الكليه حاولوا يمشون يومهم طبيعي وكان ودهم لو ينقضي باسرع ما يمكن عشان يرجعون البيت ويشوفون الكرت..انتهت محاضرتهم الاولى وجا وقت الاكل راحوا ياخذون اكلهم وحطوا شناطهم بالمكان المعتاد..كانت اماني مصره انها تاخذ شنطتها معاها..بس حذرتها اشواق لانها بطريقتها هذي بتشكك البنات ان عندها شي مخبيته..وبعد هوشه بسيطه واختلاف خلتها..بعد الاكل وقبل المحاضره بدقايق رجعوا البنات لشناطهم بياخذونها ويروحون للمحاضره..تاخروا شوي..راحت اشواق وتقول للبنات بسرعه بسرعه..وخذت شنطتها وراحت قبلهم..طبعا بالمحاضره الموبايلات كلها سايلنت"عالصامت"..دخلت اشواق وبعدها باقي البنات..لما قعدت اماني وهدت شوي..تذكرت كرت العايله..دورت عليه قلبت الشنطه فوق تحت بس للاسف ما لقته..ما حبت تسال البنات عشان ما تنسئل ليه جابته وياها..ارسلت لاشواق مسج بالجوال..بس اشواق مو جنب اماني..وجوالها عالصامت.وما انتبهت للماسج يوم جاها..مرت على اماني هالساعتين كنها سنتين تنتظر المحاضره تخلص عشان تسال اختها عن الكرت..واول ما خلصت سالتها.. اماني:شووووووووووووووووووق..شوووقه.. اشواق:نعم !...شفيك رجيتني الله يرجك رجا مبرحا..ههههه اماني:الكرت.. اشواق : شفيه؟؟ اماني:ما لقيته بشنطتي!!؟؟!! اشواق:..........!!هههههههههههههههههه هههههههههههههههههه اماني:تضحكين؟؟يالخبله هاي.. كرت ابوي..كرت العايله مو بشنطتي.. اشواق:اكيد انه مو بشنطتك!! اماني:شلون يعني؟؟ اشواق وهي تركض وتبتعد:لانه بشنطتي..هههههههههههههه اماني:لااااااااااااااااااا...حرام عليك يا مجرمه..عيشتيني برعب وبالآخر يطلع معك..والله لاوريك..ماكلتها ماكلتها..مو راجعين لنفس البيت...هين هين خلود:وشو يا اماني؟؟ اماني:ها..لا لا بس جوالي.. خلود:مو جوالك كان معك يوم انك طلعتيه بالمحاضره وارسلتي.. اماني:هاا..لا لا اقصد انا عندي جهاز قديم ..جايبته اليوم على اني بمر محل بالرجعه وابدله وانا مع السواق.. خلود:شلون..وانتي ترجعين بالظهر ومحلات الجوال كلها مقفله؟؟ اماني:يوووووو...تصدقين راحت عن بالي؟؟شكرا انك ذكرتيني..الحين خلينا نلحق البنات قبل لا يروحون ويخلونا... خلود: أي والله صدقتي"وبداخلها مو مقتنعه نهائيا,بس قالت يمكن؟؟الواحد احيانا ينسى" في ذاك اليوم بالذات كان اللحظات تمر عليهم ساعات ينتظرون بس متى يرجعون من الكليه..وأخيرا وبعد طول انتظار انتهت مجاظراتهم وجا وقت طلعتهم للبيت..ركبوا مع السواق الخاص فيهم وأخذهم للبيت..واول ما وصلوا..سلموا على امهم وراحوا غرفتهم بسرعه يتراكضون..بدلوا ثيابهم..طلعت اشواق جوالها وانتبهت لرساله وارده عندها ..فتحتها وهي مستغربه من مين يا ربي؟؟ الرساله تقول:"شوقه..الحقيني الكرت ما لقيته! شسوي؟؟" تذكرت على طول الموقف وضحكت... أماني:يا غبيه ..وش فيك تضحكين؟؟ أشواق:توني اقرا رسالتك اللي عن الكرت.. اماني:اييي..يا متوحشه.. اشواق:اطلع الكرت؟؟ اماني:طلعيه قبل يصير وقت الغدا..!! اشواق بدت تطلع الكتاب اللي حاطين داخله الملف اللي فيه الكرت..اول ما طلعت الكتاب..دخلت امها.. الام:هاا؟وش عنكم الحين؟؟عندكم شي؟؟ اماني:لا يما ولا شي!؟! الام:غريبه!!بالعاده عالاقل تنسدحون عالسرير..مو قاعدين كذا؟؟ وناظرتهم نظره كانها تنتظر تبرير.. اشواق:لا يا يما شدعوه..تونا مبدلين ثيابنا..الحين..؟!؟ الام:بتدرسين الحين شي انتي وياها؟؟ اماني:لا لا!مو وقته.. الام:لا بس يوم اشوف اشواق تطلع اغراضها من الشنطه!!قلت يمكن؟؟ اشواق:لا..بس شنطتي ابيه تنغسل.. الام:ليه؟؟مو توك قبل يومين غاسلتها؟؟ اشواق:أي بس اليوم البنات كانوا قاعدين ياكلون عند شنطتي واخاف انها جاها شي!! الام:طيب عالعموم..لا اطولها وهي قصيره..بس بغيتكم تنزلون تتغدون ويانا!! اماني:ليه؟؟ابوي رجع من العمل؟؟ الام:لا كلمني وقال تغدوا انا بتاخر وبتغدا بالعمل.. اماني:خلاص يما لاحقينك.. الام:لا تتاخرون !!زين؟؟ اشواق واماني:زين يما.. نزلت الام.. اماني:الحمدلله.. ولا كان فضحتنا وما شفناها.. اشواق:اطلعها ولا بعد الغدا؟؟ اماني:لا يما بعد الغدا الحين تجينا وتاخذها وماعاد نعرف شي..؟!؟ اشواق:اوكي..يالله عالغداااااااااء.. وبعد الغدا طلعوا بسرعه لغرفتهم..وكان الوقت باول العصر..لان غداهم بذاك الوقت اللي هو وقت رجعة ابوهم من الدوام..اول ما طلعوا لحقتهم الام وقالت لهم الام: يالله بناتي عشان المركز..جهزوا انفسكم والبسوا عشان السواق يوديكم.. البنات:حاضر يما حاضر.. اماني:مو كنها حاسه ان عندنا شي؟؟ اشواق:هذا دليل ان كلامه غلط..لان قلب الام دليلها.. اماني:وممكن يكون تاكيد ان كلامه صح!!لانها كنها ما تبي تخلي لنا فصه نشوف البطاقه!!صح؟؟ اشواق:امون قفلي الباب واذا جات امي قولي انا نبدل ملابسنا عشان المركز.. اماني:أي والله صدقتي.. قفلت اماني الباب..واقتربت اللحظات الحاسمه.. طلعت الكتاب.. طلعت الملف.. طلعت الكرت..بس مقلوب.. قلبته..وبدأوا يقراون.. كانوا يقرون بسرعه وعالاسم الول والثاني وركزوا شوي عالثالث..لقوا ان الرجال صدق غلطان..لكن مع التركيز اكثر لزيادة التاكيد...إقروا وشوفوا وش طلع؟؟..؟؟..[/align]
|
|||||||||||||
|
|
    
|
|
07-11-2007, 12:04 AM
|
رقم المشاركة : 2 (رابط مباشر للمشاركة) | |||||||||||||
المستوى:
[]
النشاط /
المؤشر %
|
تابع قصة خطيييييييييييييرة
[align=center]هذا الجزء الثاااااااااااااااااني...
2222 خالد عبدالله خالد الخالدي اب ------------------------- العنود راشد محمد الرويشد زوجه -------------------------- اشواق خالد عبدالله خالد الخالدي ابنه -------------------------- اماني خالد عبدالله خالد الخالد ابنه بالتبني -------------------------- محمد خالد عبدالله خالد الخالدي ابن ------------------------- مهند خالد عبدالله خالد الخالدي ابن ------------------------- ماكانوا يدرون وش يسوون..يبكون على الحقيقه المره..ولا يفرحون انهم اجتمعوا وصاروا مثل الاخوات الحقيقيين واكثر..بس في اسئله حول هذي الحقيقه.. من هم اهل اماني؟ وش اللي صار فيهم عشان توصل لهالعايله؟ وهل هم على قيد الحياه؟ وليش ما علموها اهلها الثانيين؟ وليش يعاملونها مثل بنتهم واكثر؟؟وش سر المعامله الحلوه المالغ فيها كوحده مو بنتهم؟ وهل في أحد بالعايله يدري بهالسر؟ وش سر الشبه الكبير بينها وبين اشواق ؟ كل اللي كانوا متاكدين منه ان السالفه كلها بتكون بتفاصيلها عند ابو محمد..ابوهم بس شلون يسالونه عنها؟؟هذي هي المشكله الاعظم.. لموا بعضهم وبكوا بشده..لان اماني صارت تحس ان حياتها كلها عباره عن تمثيليه..عباره عن كذبه حقيقيه..شلون ترضى لهم نفوسهم يعيشونها 19 سنه وهي تناديه ابوي وتناديها امي..وتجاهلوا حقيقة نسبها..عيشوها بوهم حقيقي..حست بالم يعصر جوفها..شلون اقرب الناس لها بهالدنيا طلع صاحب اكبر كذبه بحياتها..كذب عليها باهلها..ونسبها له بدون ما يعلمها حتى بالحقيقه..هي مو صغيره عشان تبقى لحد الآن ما تدري..كان لازم يعلمها..يوضح لها..عشان تصير على بينه من حقيقة نسبها.. اماني:الموضوع مو هين..يعني معقول لقوني بالشارع وخذوني..ولا جايه بنت حرام وماحبوا يعلموني عشان ما احقد على اهلي اللي ما اعرفهم..لهالدرجه نسبي ما يشرف حتى انهم ما يعلموني فيه..ليه كذبوا علي كل هالسنين لييه..عمري ما حسيت تجاههم بمشاعر غير الحب والاخلاص..عمري ما تشككت ولو لواحد بالميه ان هذا ابوي واللي ما بخل علي بشي..ولا حرمني من شي تمنيته..حسسني حتى اني فوق هالعالم..واني مميزه عن الكل بكل شي..يكفي اني كنت اتميز فيه هو وارفعه تاج على راسي..افتخر لما اتكلم عنه وانا اقول هذا ابوي..يطلع هو اللي حارمني من اغلى شي بهالوجود..حارمني من المعلومه..الكلمه اللي تثبت نسبي..امي اللي ما شكيت من شي الا وسرعت تحله لي وتساعدني..لا يمكن القى مثل حضنها..كنت اتباهى بصحوبتها لي..واللي كثيييير من بنات هالايام مو ملاقيينها عند امهاتهم..ما اذكر انها مرة رفعت صوتها علي بشي ما يستاهل..ما اذكر اني مرة احتجت لحضنها وما لقيته..ما انسى سهرها علي الليالي الطويله لما امرض..ولا قلقها الواضح لمجرد اشتكي من شي او اتالم..بس جرحي يا شوقه الحين من ادفى حضن لقيته واحن اب حسيته..ليه ما علموني بحقيقتي المرة هذي ليش؟؟ عموما يا شوقه انتي الوحيده اللي ما اقدر اذكر وش كثر فضلك علي..مستحيل اجازيك..واذا قدرت اجازيك فاعرفي انه برحيلي عنك..اكون عطيتك حريه ما عمرك حسيتي فيها..يخلى لك الجو بوجه امك وابوك..بس تاكدي اني مستحيل مهما حصل بالدنيا القى لي انسان مثلك..صدقيني مستحييييييل..اشواق انتي بالنسبه لي كل اشواقي والله يا اشواق والله...وانهارت بالبكاء الشديد..بحضن اختها اشواق..واختها تبكي فوقها.. دخلت عليم الام تبي تعجل عليهم عشان المركز ولقت الباب مقفل..طقت الباب محد رد عليها..طقته مره ثانيه وبعد محد رد..والمره الثالثه وبقوه ردت اشواق.. اشواق:مين عالباب؟؟من اللي يطق؟؟ الام:اشواق يما شفيكم تاخرتوا عن المركز؟؟ اشواق:منا رايحين!! الام:شلون يما والرحله؟؟ اشواق:انلغت..ما صارت.. الام:وانتي شدراك؟؟ اشواق:لما رجعت من الكليه دقت علي وحده زميلتي تعرف الاستاذه وقالت لي ان الرحله الغوها.. الام:والحين شتسوون؟؟ اشواق:نايمين يما نايمين... الام:صليتوا؟ اشواق:أي صلينا خلاص.. الام:نوم العوافي يما.. رجعوا لمشكلتهم..اللي كانت مفاجاه عظيمه.. اماني:تمنيت لو ان ابوي اللي قال لي ولا اني ادري من شخص غريب..وما ادري حتى منهو..عل فكره شوقه..بعد ما قال اسمي قبل ما اقفل الخط قال لي تاكدي وبعد اسبوع باتصل ..لازم نتكلم بالموضوع.. اشواق:تهقين بيتصل؟؟ اماني:ما ادري!! اشواق:هو متى كان اتصاله؟؟ اماني:قبل اربع ايام!! اشواق:يعني بقا له ثلاث ايام؟؟ اماني:إيه..وش نسوي؟؟..اشواق..انا احس باحباط..احس بخيبة امل..احس اني كنت غنية بالحنان..وفجاه صرت وحده تطر حنان واهل..وحده كان ابوها ملك..وفجاه اكتشفت انها بدون ابو..وحده كان لها بيت..وتوها تكتشف ان بيتها بدون جدران..مجرد سقف يظلها من الشمس..ولا الرياح لحافها..والحر هو حضنها الدافي..والله تمنيت موتي ولا اللحظه هذي اللي اكتشف فيها ان مالي اهل..او ان حياتي كانت كذبه اساسها كااااااذب..الاب كذب..والام كذب..حتى الاخوان كذب..والبيت مو بيتي..ولا الاهل اهلي..ولا العمام عمامي..ولا الخوال خوالي..لقيت كل هالكون خاااالي من البشر حولي..سامحيني اذا اني غلطت بحقك او زعلتك بشي من كلامي يا شوقه..بس صدقيني الدنيا بدون اهلك ولا شي..فمابالك لما تكتشفين فجاه ومن بعيد ان اهلك مو اهلك..وش ممكن تسويين..لا الدمع بيفيدك..ولا الالم..كل اللي ابي اعرفه الآن..مين اهلي؟؟ووينهم؟؟وليه قطوني؟؟وش اللي جابني هنا؟؟ووش اللي منعهم يعلموني بحقيقتي من زمان..؟؟ اشواق:هالاسئله كلها مالها عندنا أي حل..كل اللي نقدر نسويه انا نكلم ابوي ونساله..لازم يدري اننا درينا..وانا حريصين نعرف السالفه بالتفصيل الممل..وان نحن كبرنا على هالكذبه..امونتي حبيبتي صدقيني الموت ارحم بحالي من فراقك..والله..انا عمري ما تخليت عنك ولا ليله..ولو ابتعد عنك دقيقه اضيع عن هالعالم كله..وصدقيني لو لقينا اهلك انا بكون اول من يهنيك لرجعتك لهم..ما بحاول امنعك منهم ابد..بس صدقيني داخلي بيكون الم كبير على فراقك..ليت اللي فيك فيني يا قلبي..يمكن تقولين اني مو حاسه فيك..بس والله اني حاسه بكل شي تحسينه..يكفي اننا عشنا حياتنا وحنا توأم..والحين نكتشف ان كل وحده من ام وكل وحده من عايله..هذا بحد ذاته كافي ..صدقيني..عمري ما تندمت على وجودي بهالعايله غير الحين..عمري ما تمنيت اني اطلع منهم غير الحين..احس انهم غدروا فيني..ومين اللي غدر اهلي..مهما كان عذرهم انهم يخبون عننا السالفه هالسنين اللي راحت..وش عذرهم عنا الحين يوم كبرنا..ما خافوا ندري من بعيد..يووووووووووووه..وش هالهم اللي حنا فيه الحين؟؟؟ ضمت اشواق اماني لصدرها بقوه وهي تقول لها:احبك يا اماني احبك ..ومستحيل اتخلى بيوم عنك لو مهما يصير.. اماني:لا تقولين كذا عن اهلك لانهم ناس طيبين..وصدقيني عمرك ما بتلقين مثل اهلك لو لفيتي الدنيا..من اولها لتاليها..اهلك ذهب يا شوقه والله ذهب..بس مثل ماتدرين لكل جواد كبوه..وهذي كبوتهم..بعدين ما تدرين اصلا وش اللي خلاهم ما يعلموننا..كل شي بينعرف لما نفهم السالفه من ابوك.. اشواق:لا تتكلمين كذا..تعودت ان نحن اخوات.. اماني:لازم اعود نفسي عالوضع الجديد.. اشواق:مو يمكن وضعك ما يتجدد وتصيرين اختي صدق..والبطاقه ممكن يكون اللي فيها خطأ مطبعي.. اماني:وكلام الرجال؟؟خطأ لفظي؟؟ اشواق:تفائلوا خيرا تجدوه..قولي خير وانشاالله خير.. اماني:خير انشاالله..اجل انا ودي انام واريح اعصابي..مع انها محال ترتاح الين قلبي يرتاح بس بحاول.. اشواق:امون..نامي على صدري..يمكن هذي آخر مره تنامين فيها عندي اصلا.. ودمعت عينها دمعتين..كخوف من المستقبل..واستعداد لفراق رفيقة عمرها..وتوام روحها..وردت عليها اماني بدموع مماثله لها.. مضت عليهم ساعتين وهم يبكون بالغرفه ومو قادرين يتصرفون بالموضوع..الين ناموا ثنتينهم.. مسكينه اماني..كان ابو محمد بالنسبه لها اكثر بكثيير من أي شخص بالعايله..حتى هي كانت مميزه عنده اكثر من بنته اشواق..ومهما كانوا الابناء متعادلين بالمحبه عند ابوهم..لازم يكون واحد فيهم غلاته تغلب عليهم..وبالعاده يكون الكبير..وهذا كان مكان اماني..الكبيره..كان لها مكانه خاصه جدا عند ابوها..كان ما يرضى زعلها..ويستحي احيانا حتى انه يرفع صوته عليها ..حتى لو اخطت..كان يكتفي بالسكوت وهي تفهم زعله وتجي تستسمحه وتراضيه..كان يعاملهم نفس المعامله..هي واشواق..بس هي اكثر بشكل ملحوظ..لدرجة ان اشواق كانت تغير منها احيانا..واحيانا كثيره تتجاهل الموقف..كان يخصها ببعض اسراره عن باقي اخوانها.. واحيانا حتى عن اشواق..كانت فيها مميزات رائعه جدا جدا..حببت قلب ابوها فيها غصب عنه..وهو كان يفتخر فيها..كان دايم يقول لها..هذي بنتي..هذي تربيتي..ومع هالموقف..صارت تحس بمشاعر كثيره متضاربه بداخلها..لدرجة انها فكرت انها حتى لو لقت اهلها ما بتروح لهم..لانهم مستحيل يكونون مثل اللي هي عندهم..يكفي انهم تخلوا عنها..وتعودها وتعلقها الشديد بهالعايله كانت تتصور انه ممكن يغنيها عن عايلتها الحقيقيه..كانت بتكتفي بس لمجرد زيارتهم من وقت لآخر..هذا اذا ما خلت الامور تمشي مثل ما هي عليه.. صحوا بعد المغرب..طبعا ابوهم رجع من الدوام ونايم الحين..يعني الموضوع ما يقدرون يتصرفون فيه ابدا..لييين يصحى..ومستحيل يصحى قبل العشا..ومالهم الا ينتظرون.. الام:صباح الليل يالبومه وانتي يالخفاشه.. اشواق واماني:مساء النور طبعا اماني واشواق ارواحهم بخشمهم من السالفه..بس اماني اكثر.. الام:تو الناس..كان كملتوا لبكره..تعبتوا نفسكم يوم صحيتوا.. اشواق:اللي بيسمعك بيقول صاحيين وحده بالليل..ترى تو الناس مغرب..مانمنا الا ساعتين.. الام:المهم انا بطلع بتجون معاي؟؟ اماني واشواق:لوين؟؟ الام:أي..للطلعه جاهزين..لبيت عمكم سلمان.. اشواق:لا لا..وش يجيبنا.. الام:يا بنتي عمكم..وشو اللي وش يجيبكم..صار لكم من زمان عنه.. اشواق:لا يما تكفين..ترى بالمرة مالنا خلق..تعبانين حدنا.. الام:ولما يسألوني عنكم وش اقول لهم.. اشواق:يا يمه تكفين قولي تعبانين قولي أي شي.. الام:شفيكم يما مو على بعضكم؟؟فيكم شي؟؟ اشواق:أي يما..ما اقول لك تعبانين.. الام:سلامات سلامات..خير انشاالله..واماني ليه ما تتكلم؟؟ها يا امونه!! شفيك؟؟ اماني:لا ابد بس اني تعبانه وراسي يعورني حده..ومالي خلق احد بالحيل..الا ابوي وينه..متى يصحى؟؟ الام:ابوكم يا حرام..ما رجع من الدوام الا قبل المغرب بشوي..وقال صحوني بعد العشا..انا بطلع لبيت عمكم..وانتوا صحوه بعد العشا..لا تنسون.. اشواق:طيب طيب..انشاالله ما ننسا.. طلعت اماني لغرفتها ولحقتها اشواق على طول..واول ما وصلوا الغرفه.. اشواق:امونه..ترى هذي فرصتنا.. اماني:فرصة وشو؟؟ اشواق:امي بتطلع..وبتاخذ طبعا هنودي..وحمود بيروح يقعد مع عيال عمي..وحنا الثنتين مع ابوي بالبيت!! اماني:يعني شلون؟؟ اشواق:بنفتح معاه الموضوع ونفهم السالفه من طقطق للسلام عليكم.. اماني:لا اخاف ما يصارحنا.. اشواق:لا حنا بنقول اصلا انا عرفنا بس نبي نفهم السالفه بالضبط..عشان ما يكون عنده أي مفر..او يقعد يحوسنا بالكلام.. اماني:متاكده ما بيعصب؟؟ اشواق:والله ما ادري مين اللي المفروض يسأل الثاني؟؟ههههههه اماني بابتسامه باهته:أي والله صدقتي..اخاف ان العز اللي انا فيه عند ابوي كله يضيع..وتصير حياتي ما تشوف غير النكد.. اشواق:يا بنت الحلال..تعوذي من ابليس..وقولي انشاالله خير..وما بيصير الا الخير باذن الله.. اماني:انشاالله خير..والله يجيب العواقب سليمه.. اشواق:انشاالله.. شوي وطلعت امهم..وخلى لهم الجو بالبيت مثل ما توقعوا..باقي العشا ياذن عشان ابوهم يصحى.. الله اكبر الله اكبر..ما خلص الامام هالتكبيره الا واشواق ناطه فوق راس ابوها..واماني ما كان ودها انها حتى تشوفه.. اشواق:يبا يالله عشا ياذن..عشان تلحق عالصلاة.. الاب:يا يبا الاذان توه ما كبر زين..تو مانهى تكبيرته الا وانتي فوق راسي.. اشواق:توقعتك نايم وتعبان قلت على ما تصحى يكون قامت الصلاة.. الاب:ليه..شنو انا عشان ما اصحى بسرعه..انتي شفيك يبا؟؟ اشواق:ها..لا ما فيني شي.. الاب:واماني وين؟؟ اشواق:فوق عند الكمبيوتر..ليه!! الاب:ليه ما رحتوا مع امكم؟؟ اشواق:لا تعبانين شوي..ومالنا خلق.. الاب:أي تعبانين وانتي مثل الشمبانزي تطامرين فوق راسي كنك تصحيني..وبعدين شنو مالكم خلق..هذا عمكم!! اشواق:معليه..ابونا اهم.. الاب:ليه وابوكم شفيه؟؟ اشواق:يبا!!ابوي انا قدامي..بس نبي نعرف من هو ابو اماني؟؟ رمت هالكلمات مثل الصاروخ..وطلعت بسرعه من الغرفه وراحت لاختها اماني وحطت راسها بين رجليها وبكت بقوه.. طبعا خافت اماني.. اماني:وش السالفه يا شوقه وش اللي صار..وليه تبكين كذا..ابوي قال لك شي..عرفتي شي؟؟[/align]
|
|||||||||||||
|
|
|
|
07-11-2007, 07:59 PM
|
رقم المشاركة : 3 (رابط مباشر للمشاركة) | |||||||||||||||
المستوى:
[]
النشاط /
المؤشر %
|
رد : قصة خطيييييييييييييرة
صديقي منصور اولا يعطيك الف الف عافية على القصة الطويله جدا
وثانيا انا قرئتها كلها لنهاية وتقريبا لا تدخل بصلب مفهوم القسم بما يحتويه على عنف وجرائم وااخر الاخبار ... وانما مكانها الصحيح في قسم القصص ... مرة اخرى اجدد شكري واعتزازي فصتك الرائعة يعطيك الف عافية راقي
|
|||||||||||||||
|
|
|
|
07-11-2007, 09:31 PM
|
رقم المشاركة : 4 (رابط مباشر للمشاركة) | |||||||||||||
المستوى:
[]
النشاط /
المؤشر %
|
رد : قصة خطيييييييييييييرة
يسلموووووووووو
|
|||||||||||||
|
|
|
|
08-11-2007, 01:56 PM
|
رقم المشاركة : 5 (رابط مباشر للمشاركة) | |||||||||||||||
المستوى:
[]
النشاط /
المؤشر %
|
رد : قصة خطيييييييييييييرة
ننتظر اخوي القصه
رووووووووووووووووووووعه تسلم
|
|||||||||||||||
|
|
