عزيزي زائر شبكة ادما وعضونا الكريم يجب عليك كتابة بريدك الإلكتروني بالأسفل ثم اضغط زر اشتراك ليصلك جديد

*هبة الله* · 28-05-2007, 02:33 PM

الجزء الأول ::

زى أي شب بالعالم بحب يثبت شخصيتوا قدام أصحابو واهلو وانا كنت ايامها طالب توجيهي ينظر الى المستقبل -مشفره - ومشان هيك لازم يكون عندك صاحبه ( صديقه ) ( الجو ) .. لان الي عندو صاحبة بحكو عنو انو مقطع البنات بجمالو وبحكيو.. وانا كنت زي القرد لا صاحبة ولا حتى بنت جيران – قال كنت استحي- المهم قررت اني أتعرف على بنت فكرت وفكرت وانا بطبعي ما بفكر كثير– بتعب منو – المهم الشباب ما قصرو وحكولي ما الك غير النت في بنات خير الله من كل شكل ونوع ، وبتتعرف على البنت الي بدك اياها وبتطلعو ويمكن تعجبك كثير وتتجوزها – عجبتني الفكرة كثير و انبسطت قلت اجاك الموت يا تارك الصلاة .واعطوني كم محاضرة في اسس الشات والحب الانترنتي.

المهم ثاني يوم بعد يوم حافل بالمدرسه من ضرب الاستاذة والدراسة المقرفه والساندوش الي الو 4 ايام بالشمس روحت على البيت زي الطلق واتحممت بس مش عارف ليش الحمام – المهم لبست بلوزه حمرا سرقتها من اخوي وحطيت نص طن جل على راسي تحسبا اني افتح كاميرا للبنت .

وبعد ما خلصت لبس وعلى فكرة كنت بشبه مصطفى كامل اول طلعتو ،،،، صرت أفكر بالمصاري ومحسوبكم ما معو سوا قرشين ونص باقي الاجرة تبعت الباص - بس لا تخافو علي ،، اتذكرت انو انا بجمع بحصاله ( مكمورة ) مصاري مشان ادخل الجامعة طبعا هاي افكار ابوي العبقرية– يالله شو كنت مسكين - جبت السكين مشان افتحها بس لازم بحذر مشان ما يشوفها الحجي وبعد عناء طويل فتحت الحصالة واخ يا قلبي على الي شفتو – طلعو المصاري الي بدهم يدخلوني الجامعة دينار ونص و3 قروش مصديات – زعلت شويه بعدين قلت بعقلي معلش يا ولد بلكي البنت كان معها مصاري وبتصرف عليك وبدرسك – ماخذها على طمع انا – ونفشت حالي زي الطاووس ورفعت راسي فوق فوق فوق واتجهت الى السوق مشيا طبعا لانو بدي انفق كل قرش على النت ،، وصرت اسأل وين ارخص محل نت وبعد ما دلوني على محل الساعة بنص دينار ايام النص نص فتت وعرقي بصب بس متفائل اخترت جهاز – اشك انو جهاز كمبيوتر - وصرت أتذكر بالخطوات وعجقت صاحب المحل المهم خبصت الدنيا وبعد 45 دقيقة طلعو من جلدي دخلت على شات الياهو ويالله المنظر الي شفتو عالم خير الله منهم الي بسب والي بحب المهم من هبلي صرت اكتب على العام اسمي وكل المعلومات عني – واشوف ضحكات من العالم ما كنت عارف ليش بس متذكر جملة ( مسكين شكلو سنفور بالشات ) بس انا مش سألان المهم عندي القي فتاة احلامي ,,

وبعد ما عرفت بعض الشغلات بالشات كان رايح من الوقت ساعتين وقتها كنت بدي اعيط على المصاري الي راحو ،، طبعا الشباب قالو الي انو اغلب البنات الي بالشات بكونو شباب مع هيك ولا بنت لقيت او بالأحرى ما عرفت القي – قلت ما الي غير اسأل صاحب المحل شكلو خبير – صار يفهم في وانا اهز براسي على اساس اني فاهم – يومها اول مره بعرف شو يعني مايل ( شب ) و فيمايل ( بنت ) وصرت اكتب زي المجنين السلام عليكم ورحمة الله وبركاتة ومرحبا يا اختي وكيف الحال – استاذ عربي- كاني فايت اجاهد - مع هيك ولا بنت عبرتني قلت ول حتى هون مسكره وصرت افكر شو السبب وانا عم بفكر بنت ردت علي و قالت هاي انا شفت ال هاي من هون وقلبي صار يزغرت من هون – اول مره بشوف شعري واقف - هذا ايام ما كان الي شعر ,,
وبعد 3 دقايق رديت هاي لانو ما كنت اعرف وين الحروف
قالت شو اسمك
قلتها محسوبك فراس
وانتي
قالت شــوق مع الوجه الخجلان
طبعا زي أي شب صرت اعرط ( أنافق ) واااو روعة اسمك ويااي شو بحبو .

استنو الجزء الثاني –

**بيشو 2007** · 28-05-2007, 09:18 PM

حصــــــــــــــــــــــــــــــــــــــــــــــل ايه بعــــــــــــــــــــــــــــــــــــــــــــــــ ـــــد ؟؟؟؟؟؟؟؟؟؟؟؟ّّّّّّّّّّّّّّ!!!!!!!!!!!!!
انا في انتظار الجزء الثاني بفارق الصبر
قصك تجزب القارئ
الي الامــــــــــــــــــــــــــــــــــــــــــــــ ــــــام دائـــــــــــــــــــــــــــــــــــــــــــــــ ـــــــــــــــــما
تقبل تحياتـــــــــــــــــــــــــــــــــــــــــــــ ـي
في انتظار كل جديـــــــــــــــــــــــــــــــــــــد

**سـارونـة** · 29-05-2007, 01:16 PM

هههههههههههههههههههههههههههههههه
حلوه القصه
عاد لاتبطين بلجزء الثاني

**مسطول 2007** · 30-05-2007, 04:05 AM

قصة جميلة وممتعة وانشاء الله الجزء التانى هيكون احسن

مشكوووووووووورة على القصة

ملحوظة سوف يتم نقل الموضوع لقسمة المناسب

*هبة الله* · 30-05-2007, 12:26 PM

يسلموووووووو بيشو2007

وزعوله

مسطول2007

على مروركم

*هبة الله* · 30-05-2007, 12:52 PM

قصتي انا و بنت الانترنت الجزء الثاني
--------------------------------------------------------------------------------

قالت شــوق مع الوجه الخجلان
طبعا زي أي شب صرت اعرط ( أنافق ) واااو روعة اسمك ويااي شو بحبو .

الجزء الثاني –

انا وقتها كنت اسعد مخلوق بالدنيا ولسه بدي اقلها كيف شكلك وبدون سابق انذار فصل النت – فصل من هون وكل اشي في جسمي فصل كأنو واحد ضربني مليون كف على خد واحد ,,, فكرت ابوس ايد صاحب المحل مشان يعطيني وقت ببلاش بس قلت لا يا ولد خليك اكبر من هيك وحملت حالي وانا هزيل الجسم كئيب الوجه واتجهت للبيت طبعا مشيا على القدام ،، لسه بدي افتح الباب ما لقيت الا مليون حفاية ( شبشب ) متجه لصباحي ومع كم مسبه وبزقه من الي بحبهم قلبكم من الوالد ولك وين كاين لنصاص الليالي – طبعا هالحكي كان على 8 وربع – قلت كنت بدرس عند صاحبي ولا كمان ممنوع ودخلت غرفتي وطوالي نمت على التخت وصرت افكر ،، واال شو افكاري كانت بسيطة – لدرجة انو وصل التفكير شو بدي اسمي ابني الي خلفتو من البنت ،،

بس الي كان مضايقني انو كيف بدي أدبر مصاري لبكرة فقلت بعقلي بكره الله بفرجها ونمت وحلمت كأني عريس والمخدة عروستي ولسه بدها تكمل الليلة ما حسيت الا امي بتحكلي قوم يا ساقط صارت الساعة 7 وراك مدرسة
قمت ولبست زي المدرسة ( الكاكي ) الي لحد الآن بكرهو ، ورحت للمدرسة وطول ما انا بالمدرسة بفكر كيف بدي ادبر هالمصاري .
روحت للبيت وكان الحجي يومها راجع مبسوط على الاخر قلت الله فرجها ،، مع كم ضحكة وكم كلمة حلوه وكل اشي بحبو أبوي علمتو وقويت قلبي ورحت اله وقلتو يابا بدي دينار مشان اشتري كتاب جديد – قال ولك السنه بدها تخلص وبعدك بتشتري كتب – طبعا هالحكي مع موسيقى تصورية يعني مصارخه – المهم قلتلو لا هذا بساعدني كثير بالانجليزي لانو عقدة العيلة الانجليزي – بعد استرحام و بكاء ونواح قبل يعطيني دينار – اخ لو شفتوني ساعة ما اعطاني الدينار كأنهم مليون دينار – نيالكم يا شباب اليوم الدينار فارطه عندكم الهم مع حسد –
وركاض لبست وزبطت حالي واتجهت الى محل النت واخترت نفس الجهاز -وجه خير علي- وفتحت الياهو من هون وبدت النكسات من هون – اخ يا قلبي كانت اوف لاين جد نكسة هزة صمصوم قلبي الأيمن – وبدأت الرحلة من جديد للبحث عن فتاة احلامي وانا ببعبش عن نسوان مع انو ما الي نفس الا بشوووووق ،، وبعد وقت قصير من البحث سمعت دقة الباب تبعت الياهو فكرت صار شي بالجهاز ولا طلعت شوووق حبيبتي ييييييييييييييييييي رجع شعري وقف من جديد ,,, وكتبت الها
هاي حبيبتي كيفك وشو اخبارك مشتااقك كثير
ردت ببرود مع الوجه الي مستغرب عفوا مين معي ؟؟؟
انا انسعقت وحواجبي طلعو 4 متر لفوق فكرت انها رح تفرح لما تشوفني
انا : انا فراس تبع مبارح
هي : اهلا فراس - حسيتها مجاملة
انا : اسف مبارح فصل النت
هي : قالت مو مشكله بتصير دايما معي بالبيت
انا : اه البيت وانا كمان عندي نت بالبيت بس بحب اغير جو
هي : من وين يا فراس
انا : الأردن عمان طبربور – بكتب رسالة
هي : يااي حلوه طبربور – جد يااي كانت عبارة 4 شوارع و3 دكاكين ع أيامي
المهم كلمه منها وكلمه مني صار في ود – طلبت منها تفتح كاميرا – قلت اسفه لازم اشوفك بالاول فأنا انعجقت قلت اذا شافت سحنتي بتهرب – حاولت اتهرب بس اصرت المهم وبعد الاستعانة بصاحب المحل فتحت كاميرا ودقات قلبي في تسارع مستمر – فتحت الكاميرا من هون وردت بــ ياااااااااااااااااااااااااااااااااي شو مهضوم وامور .
انا قلت أكيد الكاميرا فيها شي – من هبلي سألتها بتحكي معي انتي – قلت لعاد مع مين ،، وقتها راسي خبط بالشاشة من كبرو ونفشت حالي ع الكرسي المكسور وصرت احكي بثقه اكبر – يلعن ابو الحب شو حلو , قلتها مش ناويه تفتحي كاميرا - قلت لاء بعدين . هون النكسة الثانية – وصرت اترجى فيها وليش وحابب اشوفك وابصر شو – لكن دون جدووو،، هون سرب من الفيران لعبو بعبي ( صدري ) واتذكرت كلام الشباب انو يمكن تكون شب , وصرت المح الها ليش ما بدك تفتحي كاميرا خايفه من شو - قلت والله ما في شي بس خليها لبعدين , كنت حاس انها صادقة ,فطلبت منها توصف حالها ,
وصرت توصف بحالها ( شعري اشقر طويل وعيوني خضر والطول والوزن ) انا هون نزلت ريالتي ، قلت هاي قمر مش بنت – ومحسوبكم مشان يزبط الجو صار يعرط انا بابا بشتغل مدير شركة واتذكرت ( قصة الدينار ) – وماما عندها جمعية نسائية وتذكرت كلمة امي الشهيرة ( قوم يا ساقط ) – وانا بدرس بمدارس خاصة وضامن النجاح بس همي المعدل وتذكرت ( زي المدرسة الكاكي ) – من كثر الحكي الحلو حبيت حالي وقتها ,, وفجأة بتحكيلي من وين من الأردن أنتا – قلت بعقلي اخبط بلشنا بالجد قلتها من الكرك الشقيق – ياااااااي انتا بدوي وعندكم camels وخوريف ( جمع خروف بالمدني ) قلت ايووه ولا تنسي الجميد والمنسف هذول صناعة وطنية 100% ردت علي ال يعي أأأرف هون قبعت معي وقت يلعن ابو الحب – قلت يرحم جدك يا بطه مات ونفسو يحكي hi وصرت اردح كأنها سبت ابوي – شافتني عصبت صارت تجلس وتأسفت ومو اصدي – قلت مو مشكله – هون البنت حبتني – قال بتحب الزلمه الحمش – مش عارفه الزلمه الي بحكي معها بدو يروح مشي وبفكر بشو بدو يحكي لبابا صاحب الشركة لانو تأخر ,, وقبل ما يخلص اخر شلن بالنت قلتها يلا بدي اطلع لانو وقت دراستي وانا بحبــــ ,,,, توووووت فصل النت ,

منتديات ادما - العاب ادما - يوتيوب ادما

عزيزي زائر شبكة ادما وعضونا الكريم يجب عليك كتابة بريدك الإلكتروني بالأسفل ثم اضغط زر اشتراك ليصلك جديد