مرحبا..

قصه رومنسيه من اجمل القصص


مو على كيفك حبيبي تبتعد وتخون وعدك..

والله لو حبيت غيري لقتلك واموت بعدك..

مااعيش بدنيا دونك دنيا مافيها عيونك ..

دامي ميت ميت اصلا يا بعد عمري في بعدك..





القصه من راويها..}~



انا اسمي مريم بدأت قصتي من كان عمري 12 سنه ..
انا لما كنت بالمدرسه كنت عاقله وشاطره اسم الله علي .. وكانت كل شلتي نفسي دوفير يعني هههههههههههههههههه

لاكن للاسف تفرقنا لما رحت اولى متوسط .. نقلنا بيتنا من حي لحي بعيد عن الحي الاول
فضطريت اني اغير مدرستي لمدرسه اقرب لبيتنا وتفرقت عن صديقاتي
رحت لمدرستي الجديده تعرفت على شلة بنات فله وراعين هبال ومالهم ومال الدراسه >>دجه<<يعني تعرفون مدرسه اهليه بناتها بالغالم يعتمدون على الدف ولا يديرونها بالدراسه..
طبعا انا في البدايه كنت مره عاقله>> بنت حكومي لا تشرهون .. بعدها اخذت عالجو ...
انا دائما اطلع مع السواق .. واول مااركب السياره اكشف..
في يوم من الايام .. في الترم الثاني من اولى متوسط .. زي اي يوم ركبت السياره ورحت البيت لاكن الغريب!!
لقيت ورقه عالباب .. على باب بيتنا .. تنحت بعدين اخذتها وحطيتها بشنطتي ودخلت البيت
لما رقيت لغرفتي طلعتها وانا متحممسه وقريت اللي فيها
ومن هنا بدت القصه ...
المكتوب ..
اهلن مريومتي ..<< يمون ..!
كيفك..؟؟ ان شاء الله بخير؟؟
انا مشاري واحد من عيال الجيران << ماايدري وش يقول ..
بصراحه اانا من يوم نقلتوا عالبيت ومن يوم سجلتي بالمدرسه وانا كل يوم اشوفك
وكل يوم اوقف عند باب المدرسه قسم البنات واحتري سواقكم واول ماتطلعين الحقك عالبيت واشوفك وانتي نازله>> نشبه ..
انا في قسم الاولاد يعني بينا جدار بس>> وش اسوي لك
وانا بصراحه مره معجب فيك ..:$ >> خااق قصدك !
المهم
50***********<< هذا رقمي دقي علي عشان نتعرف اكثر ..


انا قريت الرساله واحس اني مو مستوعبه ابد لاكن ماادقيت طبعا
من بكرا لما رحت المدرسه وريت الرساله صديقاتي
وطبعا زي ماتعرفون صديقاتي مره دجه وراعين شباب
واقنعوني ادق عليه بس انا رافضه الفكره تماما وقلت لا والله ماتعودت ماابغى اخاف مره
ومن بعدها صرت الاحظ واحد يلاحقنا كان مره واضح بس انا تنحه مالاحظت
المهم مر شهر على ذا السالفه ولا دقيت ولا شي ...
ولقيت رساله ثانيه عالباب ..
وينك؟؟ ليه مادقيتي؟؟
تراني كل يوم انتظرك وراح اظل انتظرك..
دقي بليييييييييز ..
وانا برضو رافضه الفكره
لما رحت من بكرا المدرسه .. نفس الشي البنات مصرين انهم يقنعوني
انا مااخبي عليكم الفكره كانت عاجبتني خصوصا ان فيها شي ماقد جربته
لاكن انا مااعرف الولد زين يعني صعبه ادق وكذا مدري استصعبتها
قالت لي نوره اللي اخوها يدرس بقسم العيال ..
: جيبيلي باي صف وانا اسأل خالد عنه ..
قلت لها : اممممم يمكن كذا اولى ثنوي ..
نوره: طب كيف شكله..
انا: ابيضاني وطويل ويخقق وشعره ناعم وقصير و ...... مدري مااعرف اوصف
نوره: اوك خلااص بسأل خالد خالد بعد في اولى ثنوي ان شاء الله يصير معاه ويعرفه
*********

من بكرا جتني نوره وقالت اي اي عرفته حتى قالي خالد انه ساكن بجمب بيت مريم صديقتك
الله يااخذك مررررره خقه والله انك غبيه تضيعين هالفرصه منك الولد والله يهبل وخفيف دم مره
قلت لها: اخ بس خليني افكر ..
نوره: يوووه وش اللي تفكرين انتي وخششتك اقووولك الولد خقه والله لو ماكان خوي اخوي والله لاخاويه من دوووون تفكير حتى

*****
بنفس اليوم نادى علي انا ونوره مع بعض .... وكانت سيارتي وسيارتها واقفين جمب بعض وطبعا هي اللي ياخذها اخوها خالد
وكان واقف يسولف مع واحد موقف بجممب سيارتي...
نوره قامت تنغزني.: مريم مريم شوفي هذا اللي يسوولف مع خالد هذا مشاري
انا: امااااااانه هذا هو!!
نوره: اي هذا هو ..
وقمنا نحش لين وصلنا السياره انا رحت سيارتي وهي راحت سيارتها وقلت لها باي وركبت ..
لما رجعت البيت دقت علي نوره..
وقالت لي : انو مشاري سأل خالد تعرفها هذي اللي مع اختك .. خالد يعرفني كثير اطلع مع اخته واجيهم البيت وموانه انا وياه
قال خالد: ايه هذي مريم صديقة نوره اختي ليه وش فيها .. قال مشاري: تكفى جب لي رقمها صاري خمس طعش شهر اتميلح ولا لمي ورقمتها ولا عبرتني
وجاني خالد وقالي يبي رقمك انا قلت اول بقولها ..ها اعطيه .. ياغبيه ترا مايتعووض.
انا ترددت بس حسيت شعور غريب يمكن بديت احبه..: بس قلت لها : لالا لا تعطينه .. وخالد كان عندها
قال خالد لمشاري.. تقول لا . قال مشاري : لا وش دعوا يلا خالد تكفى ابي الرقم الله يخليك ..
ونوره نقلت لي الكلام ... بعدها وافقت واول ماسكرت من نوره على طوووول دق .. انا قلت اسم الله ماصدق هذا
ورديت ..
انا : الو
مشاري : هلا والله وغلا ..
انا : اهلين
مشاري : هلابك كيفك واخبارك..؟؟
انا: تمام .. مين << زين اني عارفته بس استعبط
مشاري: افـآآ وش الي مين انا اللي مسحبه فيني من طعش طعش شهر وتقولين مين ..
انا: هههههههههههه للاسف نص عيال الحاره مسحبه فيهم بي انت اي واحد >>لزوم الثقل
مشاري: وربي ماااالوم اي احد مسحبه فيه ولا احد يلاقي زي حلاتك وما يخق
استحيت انا مره: هه يسلموو كلك ذوق ..
مشاري: لبى قلبك بس..

وقعدنا نقرقر نص ساعه واللي مخليني افلها مع انها اول مكالمه هي ان اهلي كلهم نايمين يعني العصر كلن نايم ...

بعد ماسكرت منه حسسيت شعور غريب يمكن اكون بجد حبيته مو بس احس ..
بس بصراحه الولد مره ينحب كان مره ذووق وغير انه ذوق كان محترم مره ... يمكن تقولون مخفه بس انا صدقت كل الكلام اللي قاله عن انه معجب فيني
طبعا هو يدرس بالقسم العيال اولى ثنوي .. علمني كل شي عنه اخواته واخوانه وكل واحد وش كبره حتى شغالتهم قالي اسمها ههههههههههه
ووصفلي بيتهم بالملي بيتهم مره قريب من بيتنا
الولد مره حبوب وعفوي مره انا من يوم قالي عن شغالتهم وانا غااسله يدي ههههههههههههههههه ومررررره خفيف دم
لحظتها كنت اقوول الحمدلله الف مره اني سمعت كلام صديقاتي
الشعوور كان لا يوصف مره حلوو
لدرجت ماانا انهبلت من بكرا لما مادق علي طااار عقلي .. << طاافه
صرت لا اكل ولا اشرب ولا انتبه لاي درس احس بس ابغى افكر فيه .. نزل مستوي مره بالمدرسه وكل علاماتي زفت لاني كنت دافوره
صرت 24 ساعه اكلمه وحبيته اكثر واكثر ...
كنت دايم اوقف عالشباك واكلمه وهو يكون تحت .. عشت معاه احلى ايامي ...
عشت الحب بحلاوته ومرارته .. على انو ماكان فيها مراره كنا مره متفاهمين ..
لاكن اللي صار اكبر من مااحنا متوقعين..
صار شي فرق القلبين من دون اي ذمب ارتكبه واحد منهم ..
اللي صار شي كبير اكبر من اني انا اتحمله ..
اللي صار اني فقدت وحده من صديقاتي الله يرحمها توفت بحادث ..
طبعا توفت وهي ماتابت من الذمب العظيم اللي عليها .. ماتت وهي كانت راكبه مع البوي فرند حقها >>خويها يعني
توفت وتركت لنا العضه والعبره ..
لما توفت الكل تأثر وخصوصا انها ماتابت وانها توها صغيره ..
بعدها شلتي كلهم تابو توبه مابعدهارجعه بأذن الله .. تبنا من كل شي صرنا متدينات حافظنا على فروضنا حافظنا على ذكرنا حافظنا على كل شي واراه خير
تركنا الاغاني تركنا الهياصه تركنا كل شي فيه ذنوب ..
وانا تركت مشاري ...
فقدت اثنين بوقت واحد ..
صديقتي .. وحبيبي
في ذاك اليوم المشأوم .. انا بعد ماتوفت صديقتي قفلت جوالي وماصرت ما اروح للمدرسه اثر الصدمه جلست اسبوعين على هالحال
جالسه بالغرفه وابكي
بعدها اتفقنا انا وصديقاتي على التوبه
التوووبه الحقيقيه
التومه من كل الذنوب واهمها الشباب والمعاكسات اللي ماجابت لنا اللى البلاوي
حتى اذكرها مره قفطتني امي فيها وسحبت مني جوالي والاهم اني خسرت ثقت امي فيني
فيه اكبر من كذا امك مو وااثقه فيك
البنات كلهم صار لهم نفس الشي اللي درت امها واللي درا اخوها واللي ردا ابوها
والمشاكل شغاله
لاكن ابد ماتبنا بالعكس زاد تعلقي بمشاري خصوصا اني ماصرت اكلمه كل يوم فصرت اشتاق له مره
اذا بغيت اكلمه اسرق جوال احد خواتي ولا الثابت وادق عليه بين فتره وفتره
لاكن ابد ماتبت بعدها انا قلت لامي اني خلاص تبت ووعدتها كمان لاكن للاسف كنت اكذب عليها فيه اكبر من هالذمب
اكذب وعلى امي وعدتها اتركه لاكني كنت اكذب عليها بس عشان ترجع لي الجوال كنت اتصرف من غير حتى ما افكر بس اللي افكر فيه اني اكلم مشاري
لاكن بعد هالحادثه تبت تبت من كل قلبي انا وكل اللي معاي
وبعد ماتفقنى رجعت البيت ودقيت عليه وكنت ابكي واقوله خلاص مقدر اكمل معاك
الولد انهبل مايدري وش السالفه انا ماكان هين علي اقول هالكلام لاكن ماابغى يصير فيني زي اللي صار بصديقتي
فهمته السالفه وقلت له خلاص مقدر اكمل معاك انهبل قالي لا والف لا اانا ماصدقت القاك بتركك مستحيل
طبعا احنا تونا مكملين سنه مع بعض
قلت له تكفى ساعدني
قال اساعدك وافقدك لا لا لا فاهمه انا احبك ماابغاك تروحين اانا تعودت كل ماانام لازم اسمع فيها صوتك واذا قمت اصبح عليك مين الحين اذا زعلت راح يواسيني
واذا فرحت يفرح معاي واذا تضايقت افتح له قلبي خنقته العبره وقام يبكي
ايه يبكي انا عمري ماتوقعته يبكي وليه
على شاني!!
كنت منصدمه وابكي واقوله لا تبكي على شاني انا مااستاهل ليه دموعك والله غاااليه بتلقى غيري وبتحب غيري
لا تضيق خلقك والله مو واقفه علي
قالي: الا الا واقفه عليك ومااابي الا انتي ولا ابي احب غيرك فاااهمه
كان مره معند ولا يبغى يتركني جلست ساعه واكثر اقنع فيه بعدين قالي طب بس كل اسبوع بدق مره
قلت له لا مايصير لازم مااكلمك ابدا
قالي اجل تبيني كذا فجاه اتركك لازم بشويش لين اقتنع بالحقيقه المره
قالي كلام من جد يعور القلب
صدق كل العلاقات ماتبين الا لحظت الوداع
لحظت الوداع كانت قاسيه
كانت كلها دموع
كانت كلها حزن
اصعب شي ان حبيبك يترجاك تبقى معاه وانت مو قادر
ظل اكثر من شهر وهو يدق علي ويترجاني
وصرت ماارد عليه لين بطل يدق
صار يدق من ارقام غريبه وبس يسمع صوتي ويسكر
لدرجت انه خلى اخته الكبيره تجي للمدرسه وتكلمني يعني انو مشاري حالته النفسيه صارت مره زفت
شرحت لها السالفه واقتنعت واقنعته كمان
ظليت ابكي على هاللحظه كل ماجا على بالي
واذكر اخر كلمه قالها لي مريم انتي لي فاهمه لي وراح اذكرك
مرت سنه
وسنه
وسنه
وسنه
وخلصت المتوسط
وخلصت الثنوي
وصرت بآخر سنه للجامعه

كان مشاري بالنسبه لي حب المراهقه
اول حب واخر حب
ماحبيت لا قبله ولا بعده
ماصرت افكر فيه مثل اول
او بالاصح نسيته يعني بين وييين وين اتذكره...

>> تــــــآآبع..<<

>>تــــــآآبع<<


وفي يوم من الايام جتني امي ..
انا كنت بغرفتي وجالسه عالنت ..
دخلت امي وجلست بجمبي .. انا استغربت هدوء امي
: خير يمه فيك شي..؟؟
امي: اي يابنيتي عندي موضوع ابغى اكلمك فيه
انا: خير ان شاء الله وش الموضوع؟
امي: بس ماابغاك تستعجلين في قرارك ابغاك تفكرين مره وثنين وثلاثه
انا: يمه خوفتيني وش السالفه
امي: اليوم جالك خطاب
انا ساعتها مره ارتبكت وخفت لكن مو عارفه من ايش خفت ورديت من غير ماافكر: لا ماابي ماابي اتزوج
امي: وش فيك تروعتي قلت لك لاتستعجيلين بكرا جاين لنا الجماعه يشوفونك وشوفيه اذا ماعجبك ذيك الساعه ارفضي
انا : طب من وين جاين لنا هم؟؟
امي: واحد من عيال جيرانا
انا انصدمت انبلع لساني خنقتني العبره كل شعور بالعالم اجتمع مره وحده بين الفرح بين استرجاع لذكريات الماضي
ذكريات المراهقه معاه ..
ساعدتها كني هبلا بدون تفكير : موافقه موافقه خلاص والله موافقه..
كنت متأكده انو مشاري اي مشاري وفا بوعده وجا خطبني .. مشاري بجد يحبني مو يكذب ولا شي اي يحبني جا يخطبني انا مو مصدقه والله مو مصدقه
امي تنحت مره: اسم الله عليك يابنيتي وش بلاك قلبتي لالا بعدين موافقه موافقه والله ماعرفت لك هذا وانا موصيتك ماتستعجلين
المهم انا ماراح اخذ كلامك العبيط مره لا ومره موافقه شكل اثر الصدمه المهم الحين روقي وفكري وش بتسوين بكرا يلا اخليك
انا قمت ابكي ابكي وابكي تذكرت كل شي تذكرت يوم اول مره اكلمه فيها تذكرت احلا ايامي معاه تذكرت لحظت الفراق
اللي نشفت من عيوني الدموع
تذكرت كيف بكيت كيف احترق قلبي
تذكرت كل شي وقمت ابكي
مشاري وفالي بالعهد ..
اي وفى مانساني ضل يفكر فيني وانا اللي كنت متخيلته صكني بعشر بنات ونساني ونسا اللي جابوني
بعدين فجاه سكت واللللله اني هبلا الحين انا توني ماتاكدت انه مشاري
يؤيؤ والله لو ماطلع مشاري يا انا بتحطم
ياانا بكره نفسي
صرت خااايفه مايطلع مشاري
نقزت عند امي بسألها عن اسمه بعدين تراجعت خفت مايكون هو ساعتها من جد الله يعين
بعدين خلااص عزمت اروح اسألها
رحت لها وانا اصيح واشاهق
: يمــــــــآآ >> واشاهق
امي انهبلت: خير وش فيك ليه تبكين
لين هدتني: وش اسم اللي بيخطبني؟؟
امي : الحمدلله والشكر كل هالصياح عشان تسألين وش اسمه
انا: يما بسسرعه وش اسمه
امي: وانا وش دراني عن اسمه بس اذكر امه ام فوااز ايه فواز
انا رقيت وانا ميته من صياح
عرفت معنى كلمت تحطيييييييييييييم فواز!! يعني مو مشاري
من بكرا امي جتني عشان البس وانزل جت ام الولد وانا رايحه فيها من الصياح
امي: يحوول وانتي وش سالفتك مع الصياح فيه احد يوم خطبته يصيح يلا بس قومي البسي الجماعه تحت
انا: اقووووووول ومن قال اني بتزوج خله ينقلع
امي: افا وش اللي ينقلع ناويه تفشلينا
انا: يمه ما ابي اتزوج
امي عصصبت : هماك موافقه موافقه صدق انك بزر انا مدري وين عقلها يوم جت تخطبك شكلها ياماعمرها شافتك ياانها ماعندها نظر
انا: يمه انا اكره اسم فواز ماابي اتزوج واحد اسمه فواز
امي تنحت : وش دخل فواز
انا: انتي الي تقولين زوجي اسمه فواز ماابي فوازوه انا عنددي عقده من هالاسم>> باين مااعرف اصرف
امي: انخبلتي شكلك من كثر الصياح فصل شي بمخك هي ام فواز بس اللي بيخطبك اصغر واحد يعني هذا فواز اكبر واحد متزوج وعنده عيال
اانا: يممممممممه انتي تلعبين فيني امس تقولين فواز والحين متزوج
امي: الله يخلف بس قومي البس وانزلي عشان اسألها وش اسمه لحظه لحظه امس ابوك قالي اسمه اظن مشاري الا صح مشاري
شوووووفي النقزله اللي انا نقزتها وقمت اصرخ : والله بقوم البس يلا
امي: انا قلت مجنونه رسمي بس لا تشوفك بعدين تهون عن الخطبه تنشبين لنا يا المهبوله
وطلعت وصكت الباب
رجع لي الامل وقمت لبست ونزلت..

جت الساعه اللي بدخل فيها على مشاري
لما جيت ادخل وانا معاي العصير .. اول شي جافي بالي تذكرت لما كنت اكلمه كان يقول لي لو جيت اخطبك بتوافقين انا ساعتها ضحكت وقلت اوافق وليه مااوافق
وقمنا نتخيل لو جا يخطبني قلت له : وبلبس لك فستان وبدخل لك بالعصير يلا من قدك
.. قال لي: بس اخاف اكبه عليك قلت له: اي عشان اخليك تغسله << رومنسيه اسم الله علي
قال لي: ههههههههههه اجل البسي فستان ابيض عشان اشوف العصير اذا انكب زين واعرف اغسله
لما تذكرت هذا الكلام ضحكت ورقيت فوق بسررعه ولبست فستان ابيض
يوم نزلت قالت لي امي:هااو ليه غيرتي
قلت لها وانا ميته ضحك: عششان يبان العصر هههههههههههههههه
امي تنحت مافهمت طبعا: الحمد لله بنتي انجنت والله انجننننت
واخذت العصير ودخلت اول مادخلت قام وهو مبتسم ولما قربت من عنده شال عني صنية العصير وقرب وقال بصوت واطي عشان مايسمع اخوي اللي كان جالس: عشان مااكبه
ضحكت بخجل ورحت جلست بجمب فهد اخوي ..
واطالعه والقاه يطالعني ولا نزل عينه مني ابغا اشوفه مو قادره ..
قعدت افكر ومسكت خط هههههههههههه اقول والله كبر واحلوو مره بس نفس الخشم >> ملاحظات عبيط بس والله طالع يجننن وناسه

وما صحيت الا لما صقعني فهد وقال: يؤيؤ كل هذا حيا طب ردي عالولد من اليوم يسال
انا: ها وشو وش قال مين << رايحه فيها
فهد فقع ضحك : هههههههههههههههههههههههههه وحلوها مريومتي وهي مستحيه ضااعت علومها وين مريم الهبلا اللي مستلعنه علي<< مصر يفشلني
وانا اقبصه مع ايده القبصه كانت خفيفه بس فهد طبعه يحب يسوي فلم هندي: ايييييييييييييييييي عورتيني وش هذا سوي شوي نعومه عند الولد ترا بيهون اذا شافك كذا
انا من جد تفششلت حمر وجهي شوي واصيح
فهد: خلاص خلاص والله امزح يؤ وش ذا الحيا ياناس>> يحب يستهبل علي
انا اقول في نفسي اصبر علي يافهيد خلني ادخل واوريك شغلك
طبعا مشاري بس يضحك علينا ويطالعني ماشال عينه عني..
وفهد بس يستهبل علي اخر شي قمت وذا الحقير فهد بس يضحك
بعدها صارت الخطبه رسميه..
ومن بعد ماصار كل شي
جا يوم الملكه انا من الخطبه للملكه عيت لااكلمه جوال كنت مره مستحيه ليه مدري المشكله اني كنت خويته في يوم من الايام يعني كنت امون عليه مو اول مره
يوم الملكه .. بعد ماتملك كنت جالسه بالمجلس عشان يجي يلبسني الشبكه..
كنت مره متوتره ومره مستحيه ..
لما جاني ولبسني الشبكه .. كان جايب معاه علبه لما فتحتها لقت فيها سلسال مره نعوووم مكتوب فيه انا عند وعدي انتي لي وحدي اول ماطلعته
كان مشاري واقف وراي ولما طلعته قرب لاذني وقالي انا عند وعدي انتي لي وحده
ساعتها كان ودي احظته ابوسه ولا افك من حظه لاكن فهودوه كان عندنا يعني وش يفكني من لسانه
بعد الملكه وبعد ما راح بيتهم دق جوالي رقم غريب .. لما رديت
لقيته مشاري ..
انا: انت للحين ماانسيت رقمي >رقمي ماغيرته من اول
مشاري: انسى اسمي وعمري ولا انسى رقم قلبي ..
ضحكت بخجل
مشاري: لبى المستحين ياناس وربي انك ماتغيرتي من وانتي صغيره حتى وانتي كبيره نفس الطبع
انا: اي طبع
مشاري: طبع انك مسحبه فيني ترا خطيبك يعني يصلح تكلميني ليه العناد يعني لازم اسلوب العنف عاد هالمره مافيه خالد اخذ منه الرقم
انا: ههههههههههههههه خالد!! للحين ماانسيت
مشاري: ولا راح انسى .. خالد له الفضل بعد الله في اني انا الحين معاك لو ماخالد واخته كان اانتي ماقصرتي وانتي مسحبه فيني وللحين مااخذت رقمك
انا: ههههههههههههههههههههههههه غبيه ولا احد يلقى مشاري ويسحب فيه
مشاري: لالا كذا انا مقدر وربي بستحي ..
انا: هههههههههههههههههههههه اي اجل بس انت اللي تعرف تقول كلام حلو هع هع
مشاري: ههههههههههههههههههههههههههه لالا الحلو دايم يقوول كلام حلو
انا: حلللللوه مدحه لي ولك اختصرت الموضوع
مشاري: بالضبط ..
انا: يخي قهر ماكبيت علي عصير كان نفسي اخليك تغسل فستاني
مشاري: هههههههههههههه ياااا الظاالمه ولابسه ابيض بعد ماانسيتي
انا: يؤيؤ يعني بس انت اللي تذكر حتى انا ماانسى ههههههههههه
مشاري: هههههههههههههههههههه تصدقين اني اتذكر كل سوالفنا
انا: اخ بس يااحلوه ذيك الايام
مشاري: راح ترجع بس ما راح تكون جوال وتسحبه امك ونتوهق لااا هالمره ماراح اسمح لاحد ياخذك مني
انا بعد تنهد: ان شاء الله .. بعد مااستوعبت مت ضحك :ههههههههههههههههههههههههههههه توني استوع الجوال تسحبه امك
مشاري: ههههههههههههههه وربي كني مكلمك امس تفس التناحه اللي فيك تتذكرين يوم تسحب امك منك الجوال
انا: ايه كله منك انت وخشتك>> خربت الاخلاق
مشاري: لاوالله انتي الغبيه تكلمين وامك صاحيه
انا: وش اسوي فيك احرقت جوالي بس تدق بس تدق
مشاري: وش اسوي اذا ماسمعت صوتك انهبل
انا: ههههههههههههههههه لالا وش اللي تنهبل نبتلي فيك
مشاري: افا نبتلي فيك زعلت
انا: ههههههههههههههههه امزح امزح
مشاري: انا المفروض ازعل من زمان
انا: افا ليه
مشاري: ليه!! يوم انك تكلميني من ثابتكم وتتخيلين باب ينصك ولا احد يمشي وانا داخل جو اعبر لك عن احاسيسي ومشاعيري وتصكين السماعه في خشتي وماتبيني ازعل
انا: ههههههههههههههههههههههههه وش اسوي بعد انقفط مره ثانيه شنق وقصاص ماابي اضيع عمري عشانك
مشاري: افاااااااا شكلي نحتك توك رومنسيه والحين بديتي تطقين وش اللي تضيعين عمرك على شاني بداك ماتقولين فداك لا اصلا عيب علي اذا مازعلت
انا: هههههههههههه امزح معااااااااك وش فيك اصلا انت عمري كيف تفدى نفسك يعني
مشاري: لا انتي مصره تخققيني وماتخليني ازعل
انا: اي ولا بعد اذا زعل مشاري وش ابغى بالدنيا
مشاري: سبحان مغير الاحواااااااال تو رجلك بغت تدخل علي من السماعه والحين كلام زي العسل اخ سبحانه يغير ولا يتغير..
انا: هع هع اي عشان ماتمل ...
مشاري: انا امل انا امل انا وانا معاك امل هههههههه ضحكتيني
انا: مااادري قلت يعني سبحان الله يمكن تمل
مشاري: صدقيني وانا معاك لايمكن امل مووستحيل
انا: طيب طيب احاول اصدق
مشاري: يااربيه الى الحين انتي كذا مستحيل تصدقين
انا: هههههههههههههههه الى بكرا
مشاري: كنتي تحطميني اقعد اتغزل فيك وتقولين ايه احاول اصدق ولا مع وييييين ولا اي هين تحطمين الواحد ماتعطينه جوه بالتغزل
انا: اي احسن عشان مايفلها ويقعد يخرف علي
مشاري: ههههههههههههه حلوووووه يعني انا اخرف من زمان ماانطقتي
انا: لا حرام عليك توني متهاوشه مع فهيد
مشاري: ههههههههههههههههه بعذرك طلعي حاارتك فيه لااوصيك تصدقين من وانا صغير وانا اغار منه
انا: هاو ليه
مشاري: اذكر مره طلعتي وانتي ماسكه يده مت من الغيره كان ودي اكفخه
انا: هههههههههههههههههههه انا امسك يد فهد اكيد كنت ابيه يوديني لصديقني
.......
قعدنا نسووولف ساعه وشوي بعد بس نتذكر ايام اول ونضحك ونتظنز

بعدها الزواج..
كانت احلا ليله بحياتي غير انها ليلة زواجي وطبيعي اكون مبسوطه لكن اللي زاد انبساطي هو اني راح اتزوج مشاري
مشاري اللي لما احلم مااحلم اللى فيه لما ابكي ماابكي الا له لما اتذكره الضحكه ترسم على شفاتي
اي مشاري
تم الزواج ورحنا شهر عسل لندن وكانت احلى الايام معاه...

وها انا اكتب لكم قصتي وانا في بيتي معي طفلي الصغير عبدالله سميته على ابوه
وانا الحين اعيش اجمل ايام حياتي مع انسان لطالما حلمت بالعيش معه
مع الانسان الذي كان يرافقني في احلامي ..
مع الانسان الذي رسم الفرحه على شفاتي
مع اول واخر حب في حياتي
نعم ها انا معه ومع طفلي يبلغ من العمر سنتين
الله يدوم السعاده


قصه حقيقيه .. اعجبتني فنقلتها لكم ..
>> تحياتي صدددي <<

اختي خدوج كشتنة

كل الشكر على تواجدك الطيب والمميز

أيتها الرائعه

لا حرمني تواجدكي
ولا ابداعاتكي المتناثرة هناا وهناااك

كل الود لكي