[size=4]يا منادي لك عيوني ولـك انـا لبيـه آمـر
فدوتك يا اصدق الاحساس ايامـي وروحـي

قلت لك مليون مـره مـا تغيرنـي مظاهـر
وخذ من احروفي دليلك بين اشعاري وبوحي

لعنبوها من مخوه تجرح احساس المشاعـر
ولعنبو دنيا المصالح كل ما فيهـا نزوحـي

لا تقول اليوم بعتك كيف ابيعك وانت حاضـر
في زوايا كل كوني وكل ما في الوجد يوحـي

بأنك الاول عليهم ومن يبيعـك دوم خاسـر
وانت لي ربحن اكيدن قلتها لك في وضوحي

كم يشرفني وجودك وانت عرشك في المحاجر
يا شفا روحن شقيه بلسمن يشفي جروحـي

كيف ابيعك وانت لي في دنيتي انسان آسـر
وكيف انا انسى جمايل بك تعلت كالصروحي

خذ من ايامي وعمري خذ تفضـل لا تكابـر
ليت كل الناس مثلك يا نبض قلبي وروحـي [/size]