منتديات ادما - عرض مشاركة واحدة

royal_photoclip · 10-03-2008, 01:12 PM

اول حاجة مساء الخير للجميع وانا يشرفني اني انضم للمنتدى ده واشوف الافكار الجديدة اللي فيه
انا عروسة وزواجي كمان كام شهر كده ان شاء الله
بعد خطوبتي فكرت اعمل حاجة هدية لخطيبي ومفاجأة ليه
أخدت صور الخطوبة كلها وعملتها فيديو كليب رهييييييب وعليه اغنية رومانسية جداا
بصراحة عجبه الكليب جدااااا وكل شوية يسألني عليه وازاي عملته بس انا مارضيتش اقوله طبعا:
بعدها بفترة فكرت ان في عرايس كتير اوي يحبوا يعملوا الفكرة دي بردو سواء للذكرى او تتعرض في ليلة الزفاف او حتى بس يتفرجوا عليها لأنها بجد بتبقى جميلة جداا وكلها مختلفة عن بعدها
وطبعا زي مانتوا عارفين بقى العروسة بتكون مزنوقة وعايزلها 5 ولا 6 مليون عشان تشتري حاجتها
فأنا فكرت ان لو في اي حد يحب انه يعمل الفيديو ده بصور العريس او العروسة او حتى بصورهم وهما صغيرين وتتعرض ليلة الفرح بشكل جديد تماما عن اللي بيتعرض في الافراح دلوقتي يبعتلي ونتفق سوا وانا متأكده انكوا هتنبهروا من الفيديوكليب ده
بالمناسبة انا مصرية بس عايشة في الرياض ونفسي اتعرف على كل الاعضاء هنا ان شاء الله
ده سامبل بسيط جدااا من الفيديوهات اللي انا بعملها
يارب يعجبكوا........والسلام ختام